30 setembru 2021, Ministra Saúde dr. Odete Maria Freitas Belo akompaña Eselénsia Primeiru Ministru Sr. Taur Matan Ruak iha serimónia Assinatura Kompromissu Timor-Leste nian ba hapara Tuberkuloze, iha salaun Enkontru City-8, Manleuana, Díli.

30 setembru 2021, Ministra Saúde dr. Odete Maria Freitas Belo akompaña Eselénsia Primeiru Ministru Sr. Taur Matan Ruak iha serimónia Assinatura Kompromissu Timor-Leste nian ba hapara Tuberkuloze, iha salaun Enkontru City-8, Manleuana, Díli. Assinatura Kompromissu ne'e nu’udar planu ba solusaun atu hakbesik ba iha pasiente sira no oinsá fó tratamentu ba pasiente TB nune'e iha tinan 2025 Timor-Leste bele elimina moras tuberkuloze.

Ministra "Hanesan kompromisu ida ba Timoroan sira atu bele luta hasoru moras tuberkuloze tanba iha ita-nia planu estratejia ba tuberkuloze nian, ita hakarak elimina moras TB ne'e iha tinan 2025 entaun ho indikadór ida-ne'e ita tenki halo buat ruma, hanesan ita ba buka pasiente dala ruma la mai, halo teste ba sira, halo tratamentu ba sira, wainhira tratamentu la kompletu, sira tenki kompleta tratamentu sira no moras ne'ebé mak rezisténsia ona ho aimoruk ita tenki buka, atividade lubuk ida mak ita hakarak halo mak atu hakotu moras TB ne'e iha ita-nia Rai.

“Enkuantu ho assina nota kompromisu husi Governu ne'e atu nune'e pesoál sira husi Ministériu Saúde serbísu hodi hala'o knaar tuir planu estratejia ne'ebé mak prepara.”

Partisípa mós husi Ministru Administrasaun Estatal Sr. Miguel Pereira de Carvalho, Embaixadór Portugal iha Timor-Leste Sr. Pedro Machado Vieira, Enkaregadu Negósiu Embaixada EUA iha Timor-Leste Sr. Tom Daley, Reprezentante Organizasaun Mundiál Saúde iha Timor-Leste Dr. Arvind Mathur no seluk tan.

#MédiaPaláciodasCinzas