Diskursu VMS Iha Loron Mundial Oral

Ministériu Saúde Selebra Loron Mundiál Saúde Oral ba da-6. Selebrasaun loron mundiál saúde oral tinan ida-ne'e Ministériu Saúde hamutuk ho liña ministeriál sira ho apoiu husi NGO MarryMackillop realiza hamutuk ho estudante Ekola EBC 20 de Agosto, Ermera Antigu, Munisípiu Ermera, 12 Maiu 2022.

Serimonia Selebrasaun LORON MUNDIÁL SAÚDE ORAL ho tema "Sente Orgullu ba Imi-nia Ibun ba Imi-nia Rahun-di'ak no Bem-Estar" ne'ebé kada tinan komemora hodi fó inspirasaun no esperansa ba knaar-na'in saúde oral sira hahú husi médiku dentista, enfermeiru dentista no tékniku dentária sira atu bele presta sira-nia knaar ho kualidade no responsabilidades profisionál Vise Ministru Saúde Sr. Bonifácio Mau Coli dos Reis iha diskursu hatete, Ministériu Saùde liu husi Planu Estratéjiku Nasionál Setór Saúde 2011-2030 no Programa Ministeru Saude husi VIll Governu Konstitusionál iha kompromisu atu hadi'ak prestasaun kuidadus saúde iha área prioridade hotu-hotu inklui Saúde Oral. 

Partikulamente, kompromisu husi Ministériu Saúde no Governu Timor-Leste kona-ba asuntu saúde oral buccal ka nehan maka hanesan: Ministériu Saúde dezenvolve ona Estratéjia Nasionál Saüde Oral no Planu Asaun Nasionál ba Saúde Oral 2020-2025 daruak nian ne'ebé lansa iha 16 abril 2019.

lha estratejia ne'e define klaru kona-ba vizaun, misaun, objetivu, idikador ba realizasaun, Monitorizsaun & Avaliasaun no Peskiza. Maibé ita hotu hatene katak, atividade barak relasiona ho saúde oral maka Ministériu Saúde seidauk konsegue implementa.

Kompromisu Politika, Planeamentu no Finansiamentu ba saúde oral, durante ne'e ita haree katak programa sira iha Servisu Sentrál Ministériu Saúde ladún tau atensaun ba Saúde Oral. Bele mós hateten "Programa Saúde Oral nu'udar Programa Neglizensiadu".

Dadus relasiona ho saúde oral husi Peskiza Fator Risku Moras La hada'et 2014 konklui katak, iha fator balun ne'ebé relasiona ho ljiene Oral maka: Mama-Malus, Songe-Tabaku, Fuma-Sigarru, hemu tua, hahán la saudável ne'ebé bele hamosu moras iha ibun no nehan. Fator determinante seluk maka relasiona ho fator sosio-ekonómiku no determinante sosio-kulturál no tradisionál sira ne'ebé sempre uza bua no malus no tua iha atividade serimoniál ritual sira.

Saúde oral signifika saúde ba ibun. Ibun ida-ne'ebé saudável permite ema ida atu ko'alia, hanmasa, hatudu espresaun oioin, mímiku no hatudu ema ida-nia karakteristika emosional. Bainhira ko'alia kona-ba moras sira-ne'ebé relasiona ho lbun maka: Infesaun Buccal, Kankru Oral, Moras Periodontal, Moras iha Nehan, Stomatitis, Farinjite no Tonsilites no seluk tan.

Relasiona ho prestasaun ba servisu saúde oral, dadus ilustra katak 75% presta iha Timor-L.este liu husi setór públiku (Governu) no maiória husi asisténsia hala'o iha fasilidade Governu (Estabelesimentu Kuidadus Saúde). 25% seluk fornese liu husi NGO no 5% liu husi klínika privadu namkari iha kapital Dili; Dezafiu boot ne'ebé Ministériu Saúde Timor-Leste enfrenta maka rekursu umanu relasiona ho Saúde Oral.

Hakarak atu informa de'it katak, iha loron 4-5 Maiu liuba profisionál saúde oral kompostu husi Médiku no Enfermeiru/a dentista sira hala'o promosaun, edukasaun no rastreia ka triajen saúde oral iha eskola Ensinu Báziku Sentral Secundaria 20 de Agosto Ermera antiga.

Alvu ba rastreia ba estudante hamutuk 300 maibé tanba loron feriadu ho nune'e profisionál saúde oral konsege hala'o promosaun, edukasaun no rastreia/triajen saúde oral ba estudantes hamutuk 165 husi númeru ne'e resultadau hatudu katak 97,51 % estudante ne'ebé sofre nehan ka karies dentária, no 2,49 % de'it maka nehan saúdavel husi total estudantes 165 ho nível grave nehan (Indeks DMF-T) nehan 5 kada ema ida.

Husi pontudevista hirak-ne'e signifika Timor Leste nu'udar nasaun ida-ne'ebé presiza promove, halo advokasia, eduka no dezenvolve atu komunidade hahú husi areas urbanas to'o rurais bele iha koñesimentu ba moras no risku sira ba moras oral, iha attitude no hahalok hodi buka asesu ba asisténsia no tratamentu saúde ibun no nehan.

Presiza integra programa saúde oral iha Pakote Komprensivu ba Kuidadus Saúde Primáriu, SISCa, Vizita Domisiliária/Saúde na Familia hodi nune'e bele deteta sedu ba moras no problema moras Ibun iha komunidade nia leet. Presiza prenxee ekipamentu no infra-estrutura ne'ebé apropriadu iha Estabelesimentu Kuidadus Saúde Oral hodi nune'e bele fornese asisténsia ida-ne'ebé adekuadu no dignu ba komunidade.

Serimonia ida-ne'e relevante tebes ba esforsu Ministériu Saúde hodi kompleta nesesidade komunidade liu husi partisipasaun husi entidades oin-oin atendimentu saúde ne'ebé kualifikadu iha nível fasilidade saúde sira hotu no fó atensaun liuba programa promosaun, edukasaun, advokasia no prevensaun atu bele eleva kapasidade estudante sira nian espesiál liu ba Kuidadus Saúde Ibun Nehan Eskola " KSINE," tanba estudante sira maka futuru ba Nasaun ida-ne'e.

MS-VMS-2022