Ministériu Saúde, Diresaun Nasionál Saúde Públika ho Organização Mundial da Saúde hala'o avaliasaun ba Implementasaun programa "Dehan Lae ba 5S" iha salaun enkontru Hotel Novo Turismo, Díli.

5S nu'udar programa saude eskolár ho objetivu atu prevene malnutrisaun liuhusi kombate Lumbriga, haforsa edukasaun saúde kona-ba ijiene pesoál, hadiak saúde oral, saúde matan, prevene uzu tabaku, alku no redús hemu surgariu (bebidas açucaradas) iha estudante sira idade eskolár (tinan 6-14).

Tinan 2022, programa refere implementa ona iha Munisípiu 3 maka hanesan Dili, Manufahi no Lautem. Implementasaun iha Munisípiu 3 refere atinji 92% husi alvu ne'ebé maka estabelese ona.

Ohin, iha atividade avaliasaun ida-ne'e partisípa husi Diretór Edukasaun Munisípiu sira hotu, Diretór Servisu Saúde Munisípiu, Xefi Departamentu, Programátiku no Responsavel Saúde Eskolár Munisípiu. Durante diskusaun foka barak liu ba iha planu implementasaun programa refere ba tinan 2023, no partilla mós esperiénsia husi Munisípiu ne'ebé implementa ona antes iha tinan 2022.

Promosaun Edukasaun Saúde KOICA Timor-Leste Office (KOICA 동티모르사무소) WFP Timor-Leste World Health Organization Timor-Leste Ministério da Educação, Juventude e Desporto