MS Hala'o Enkontru Ho Prezidente Institutu Nasionál Kombate HIV-SIDA

22 juñu 2022: Ministra Saúde dr Odete Maria Freitas Belo hala'o enkontru ho Prezidente Institutu Nasionál Kombate HIV-SIDA Sr. Atanasio de Jesus ho ekipa, iha Palacio das Cinzas, Caicoli, Díli. Enkontru entre MS ho Komisaun HIV-SIDA ne'e ko'alia kona-ba serbísu hamutuk entre Ministériu Saúde ho Komisaun ida ne'ebé transforma ba Instituisaun Nasionál Kombate HIV-SIDA (INCDIDA) atu haree oinsá serbísu hamutuk ba oin liu-liu ba intervensaun moras HIV-SIDA. Atu haree papel Ministériu Saúde nian nomós papel husi Instituisaun HIV-SIDA nian ba oin ne'ebé finalmente sei estabelese mós akordu entre parte rua atu haree papel serbísu ida-idak nia, nune'e bele serbísu di'ak liután ba moras HIV-SIDA iha Timor-Leste liu-liu haree ba kazu ne'ebé mak kontinua aumenta iha Díli nomós iha área Fronteira sira.

#MédiaPaláciodasCinzas