MS hala'o Enkontru Ho Prezidente Komisaun Funsaun Publika

Dili, 26/9/3022: Ministra Saúde dr Odete

Maria Freitas Belo hala'o reuñiaun ho

Prezidente Komisaun Funsaun Públika Sr.

Faustino Cardoso Gomes ho ekipa.

Iha reuñiaun ne'e diskuti hikas komprimisu

ida ne'ebé ko'alia ona iha tinan 2021 Entre

Ministra Saúde ho Prezidente KFP kona-ba progresaun profisionál saúde rejime karreira espesiál.

"Ami halo serbisu ida komesa kedas iha

tinan 2021 ne'ebé wainhira ha'u hahú

ha'u-nia mandatu hamutuk ho señor Prezidente ami la'os promete maibé ami iha komprimisiu ida atu haree progresaun ba iha ami-nia pesoál saúde sira liuliu sira ne'ebé mak goja rejime espesial." Hatete Ministra iha Edifísiu Komisaun Funsaun Públika.

"Prontu, iha tempu ida ami atu bá halo lansamentu ne'e iha loron saúde nian maibé kongese i ohin finalmente Komisaun Funsaun Públika señor Prezidente konvida atu aprezenta rezultadu husi pesoál se se los ou

funsionáriu liuliu sira ne'ebé mak goja rejime espesial ne'e elijivel para atu bele goja sira-nia direitu liuliu iha parte progresaun nian.

"Progresaun katak wainhira ita avalia ita-nia pesoál sira, nia hetan Bom dala-3 nia sa'e ninia eskalaun, ou se nia Muito Bom ou nia Bom interkala tinan 4 nia iha direitu atu bele hetan ninia rejime ida-ne'e. lda-ne'e kuaze tinan 10 ita la book, felizmente ha'u serbisu hamutuk ho señor Prezidente ho ninia ekipa tékniku sira

konsege realiza serbisu ida-ne'e."

Ministra informa, Serbisu Sentrál Ministériu

Saúde hamutuk ho Ekipa Komisaun Funsaun Públika haree orariu katak iha fulan novembru ne'e tau iha serteza katak profisionál saúde na'in-1831 ne'ebé mak elijivel atu bele goja sira-nia rejime progresaun nian.

"Kria Lei ne'e iha 2012 entaun se 2012 sira hetan avaliasaun Muito Bom ou Bom Interkala ne'e signifika katak tinan 4 entaun sira ne'ebé iha tinan 2016 ne'e mak iha direitu atu hetan maibé iha mós pesoál balun hamutuk atus tolu resin ne'e presiza atu kompleta sira-nia dokumentu. Wainhira sira-nia dokumentu kompletu ona maka KFP iha ninia sistema foun ne'ebé mak atualiza automatikamente ita lalika ulun fatuk moras ona. Agora depende ona pesoál saúde ida-idak, Ministériu Saúde atu bele rai didiak dokumentu sira wainhira sistema ne'e husu ita prontu kompleta sira-nia dokumentu sira atu bele goja sira-nia direitu ne'ebé mak iha."