MS Partisipa Iha Deklarasaun ALFA Suku Kairui, Postu Administrativu Laleia, Munisipiu Manatuto.

12 maiu 2022: Ministra Saúde (MS) dr. Odete Maria Freitas Belo hamutuk ho Embaixadór Uniaun Europeia (EUA) iha Timor-Leste Sr. Andrew Jacobs no Reprezentante UNICEF iha Timor-Leste Sr. Bilal Aureng Zen Durrani hala'o vizita bá Suku Kairui hodi partisípa iha Implementasaun Programa Planu Asaun Komunidade Saniamentu Ijiene iha Postu Administrativu Laleia, Munisípiu Manatutu.

Suku Kairui ho nia Aldeia hamutuk 7 Deklara ona Area La Soe Fo'er Boot Arbiru  (ALFA) katak Área la Soe Fo'er Boot Arbiru tanba uma kain hotu-hotu iha asesu ba sintina ho ida-ne'e bele kuidadu no prevene ona moras diarea nomós má-nutrisaun iha Suku refere.

Ministra Saúde hatete" Tanba saidá mak ohin ita liga ho serbísu rua, hahán ho labele soe foer boot arbiru, tanba ita bele han maibé hahán ne'ebé mak ita han hotu tiha, ita tenki soe, los ga lae, ita hakarak soe tenki soe iha fatin ne'ebé propriu, labele bá soe arbiru de'it.

Tanba ida ne'ebé mak soe ne'e fo’er nian, nia tenki aruma iha fatin ne'ebé mak ita labele haree, atu nune'e lalár labele kaer ba lori filafali mai ita ou selae dalaruma rai rahun pur ezemplu, rai rahun anin kuandu huu tama fali ba iha hahán, bee depois ita-nia oan sira han ho diarea, diarea ne'e mós kauza ida husi halo labarik sira sintina beibeik to'o isin tun. Ita kuandu la hatene halo tratamentu, sira mós monu ba diarea, monu ba má-nutrisaun."

MS nafatin agradese ba Uniaun Europeia ho ninian apoiu tomak nomós liuhusi UNICEF ne'ebé mak serbísu hamutuk ho Ministériu Saúde (MdS) espesiálmente serbísu ho Diretór sira iha Munisípiu Manatutu nian, nomós ho ita-nia grupu Suporta Inan, ONG Haburas Ita Moris, ajénsia Nasionál, Internasionál nomós Autoridade Lokal, Lider komunitaria ba serbísu hamutuk ida-ne'e relasiona ho bee ho saneamentu, ita agradese ba sira.

MdS-MS-2022