MS Partisipa Iha Vasina Pfizer Ba Eskola Ensinu Báziku Sentral Dom Bosco Fatumaca, Munisípiu Baucau.

13 Maiu 2022: Ministra Saúde (MS) dr. Odete Maria Freitas Belo akompaña hosi Reprezentante Organizasaun Mundiál Saúde iha Timor-Leste (OMS-TL) Dr. Arvind Mathur hala'o kampaña vasina Pfizer ba estudante sira iha Eskola Ensinu Báziku Sentral Dom Bosco Fatumaca, Munisípiu Baucau.

MS agradese tebes ba estudante sira, nomós inan-aman sira-ne'ebé aseita oan sira hodi ba simu vasina kontra Covid-19. "Ba imi-nia papá ho mamá, hato'o ha'u-nia komprimentus agradese barak ba sira. Tanba sira aseita oan sira bele simu vasina Covid-19, ha'u kontenti bele hamutuk ho alin sira, hamutuk ho ita-nia ekipa husi saúde.

Ne'ebé mak to'o ohin ida-ne'e sei nafatin hala'o ita-nia atividade vasina, atu bele luta hasoru moras Covid-19 nian. Agora alin sira bele eskola ona tanba ita-nia serbísu hamutuk, tanba alin sira-nia kontribuisaun, família-nia kontribuisaun, mestri sira-nia kontribuisaun."

MS-MdS-2022