Pr Hala'o Lansamentu ba ICU Movel

Prezidente Repúblika Dr. José Ramos-Horta, Ministra Saúde, dr. Odete Maria Freitas Belo, Enkaregada Negósiu Embaixada EUA Sra. Zema Semunegus hala’o lansamentu ICU Móvel, iha Portu Dili, 24 junu 2022.

ICU (Unidade Kuidadu Intensivu) unidade ida oferese husi Povu Amerikanu liuhosi misaun USAID iha Timor-Leste atu tulun Ministériu saúde hodi responde kazu emerjénsia Covid-19 ne’ebé Timoraon infrenta.

Ministra Saúde dr. Odete iha intervensaun hatete, iha tempu neébe ema hotu luta hasoru hela moras Covid-19, parseiru hotu-hotu hamriik atu bele apoia Timor-Leste, ema hotu hotu hatene katak iha tempu ne’ebá ema hotu-hotu la fia katak Timor-Leste bele infrenta moras Covid-19, maibé ho kontribuisaun hotu liu-liu Timor-Leste nia oan sira ne’ebé hamriik ho fiar-an katak Timor-Leste bele luta hasoru moras ida-ne’e. “Ita konsege luta duni, ita-nia parseiru sira balu ne’ebé mak tenki fila ba sira-nia rai, maibé balu mós nafatin kontribui ho ita serbisu hamutuk ho ita iha Timor-Leste para atu bele konvense ita-nia komunidade sira atu bele luta hasoru moras covis-19 iha tempu ne’ebé maka ita serbisu hamutuk ho parseiru sira.”

“Señor Prezidente, ajénsia sira ajuda tebtebes, ho fasilidadde ne’ebé mak la sufisisente, rekursu umanu ne’ebé mak la sufisiente entaun parseiru sira mosu ho ajudu sira nebe mak diferente, balu apoia iha rekursu umanu, treinamentu, balu apoia iha aimoruk, vasina, PPE hirak ne’ebé mak ita uza. Prontui, husi USAID sira promote atu bele fó ICU móvel ho esperansa katak nia lais liu. Husi parte Ministériu Saúde ho USAID konkordansia sasan neé iha fulan novembru tinan 2021, maibé ho tempu ne’ebé mk la’o i ohin mak ita bele simu.”

PalacioDasCinzas