18 janeiru 2022, Ekipa konjunta ba kombate surtu dengue munisípiu disemina infomasaun ba komunidade sira ba prevensaun moras dengue.
Ekipa konjunta ne'ebé lidera husi Serbisu Saúde Munisípiu Dili fahe informasaun ba komunidade Aldeia Rai Mean, Sare no Becoi iha Suku Lahane Orientál munisípiu Dili
Rezumu epidemiolójia situasaun dengue iha rai laran ne'ebé kontinua aas iha loron ba loron, liuliu Munisípiu Dili iha horseik 17 janeiru ho totál kazu hamutuk 331 iha ne'ebé situasaun ida-ne'e alerta sidadaun hotu-hotu presiza atu tau konsiensia no fó atensaun seriu ba moras dengue ne'ebé ameasa komunidade too halakon ema-nia vida.
To’o ohin loron, seidauk iha tratamentu ba moras dengue, maibé ita bele prevene ita-nia an no ita-nia família husi moras ne’e liuhusi asaun preventiva, medida sira ba prevensaun dengue nian mak oinsá atu hapara reprodusaun susuk nian iha uma laran no uma ninin sira.
Ministériu Saúde presiza tebes sidadaun hotu nia apoia no kontribuisaun atu ajuda hamenus transmisaun moras dengue iha rai doben Timor-Leste.
