UNDP entrega ona mákina Insenerador ida ba Ospitál Referal Maliana.
Liuhusi serimónia termu entrega, Reprezentativu UNDP Timor-Leste, Sra. Munkhtuya Altangerel entrega mákina Inseneradór Addfield MP-200 ba Ministra Saúde dr. Odete Maria Freitas Belo bazeia ba akordu ne'ebé assinatura entre Gabinete UNDP nian no Ministériu Saúde iha loron 10 Dezembru tinan 2020.
Mákina temperatura aas ne'ebé sosa ho fundu Covid-19 liuhusi prosesu aprovizionamentu UNDP faze daruak nian ne'e instala ona iha Ospitál Referal Maliana atu bele halo destroisaun ou sunu lixu médiku iha Ospitál refere.
Pesoál responsavel Saúde Ambientál iha Ospitál refere hetan ona treinamentu kompletu atu operasionaliza fornu ne'e, kada loron sei sunu lixu purvolta 20kg.
