15 Marsu 2023: Vise-Ministru Saúde (VMS) Bonifácio Mau Coli dos Reis hala'o vizita servisu ba Sentru Saúde Komunitária (SSK) Mehara, Postu Administrativu Tutuala, Munisípiu Lautém.
Iha vizita ne'e alende observa direta kondisaun SSK nian sorin seluk hala’o mós enkontru ho profesionál saúde sira ne’ebé haknaar an iha fatin refere, hetan partisipasaun másimu hosi Autoridade Administrativa no mós lokál.
VMS iha biban ne'e rona preokupasaun hosi profesionál saúde sira no hala'o mós diskusaun ho parte relevante oinsá mellora di’ak liután setór saúde no presta asisténsia ho kualidade ba komunidade sira iha futuru.
